الأحد، 15 يونيو، 2008

الجزء الاخير من انواع الخشب الطبيعى

اتكلمنا فى البوستين اللى فاتوا عن سته انواع من الخشب الطبيعى الشائع استخدامها فى مصر
المرة دى هانتكلم عن اخر نوعين شائع استخدامهم فى مصر وهما
خشب التك وخشب الجوز التركى
اولا خشب التك
هو خشب شديد الصلابة قاتم الالياف يقاوم الرطوبة وبالتالى يستعمل فى صناعة القوارب ومناضد المعامل وأثاث الحدائق
ودى صوره

ودى صورة لأثاث مصنوع من خشب التك
خشب الجوز التركى
يعتبر خشب الجوز التركى من اثقل انواع الاخشاب حيث انه هو الخشب الوحيد اللى بيغطس فى الماء ولا يطفو عليها كبقية الاخشاب الال انه من اقوى انواع الاخشاب ومن اغلاها وهو مقاوم جيد للعوامل الجوية
والجوز التركى استخدامه فى مصر هو استخدام لقشرته فقط بسبب غلو سعره
ودى صورته

خشب الابنوس

أثقل الاخشاب وأصلبها صعب التشغيل ألوانة مختلفة من حيث الموطن فمنة الابيض المائل للأصفر والاحمر والبنى والاخضر والاسود الداكن ويستعمل فى أشغال القشرة وهو أغلى الانواع وأثمنة المعروفة وهو نادر الوجود

خشب الورد

وهو من الانواع الغالية جدا وطبعا استخداماته فى الاثاث قليلة جدا لكن ممكن يستخدم فى التحف الخشبية

خشب البليسندر

قليلا ما تستخدم القشرة البليسندروتسمى القشرة البليسندر فى لغة الصنعة قشرة زفرة وذلك بسبب اعتلائها مواد زيتية طبيعية تؤثر بالسلب على الدهانات

ومن باب العلم بالشىء ممكن نتكلم عن بعض انواع الاخشاب محلية الصنع يعنى اللى شجرها بينمو فى مصر

اولا خشب السنط
وهو خشب متين صلب يميل للأحمرار قريب من الزان وعندما يتعرض للجو يتخللة عروق غامقة اللون ويتغير لون ويمكن هو دة اللى بيفرقه عن الزان ويستخدم فى صناعة الالات الزراعية والمراكب والعربات ودرافيل عصارات القصب وفى أعمال البناء وقد يغش بعض التجار ويصنعوا منه الاثاث المنزلى على ويبيعوه على انه خشب زان

ثانيا خشب الجميز
خشب خفيف الوزن خشن الالياف يميل لونة الى الاحمرار الباهت مقارب للجوز التركى أستعمل قديما فى صناعة الابواب وبعض الاثاث والادوات الزراعية والالات الموسيقية وهو يتحمل الرطوبة لذلك يصنع منة المراكب والسواقى

ثالثا خشب التوت
لونة مائل للاصفرار يتخللة بعض الحلقات الباهتة اللون وهو صلب وله لمعان ويصلح لصناعة الاثاث والالات الزراعية والسفن وخلافة

رابعا خشب النبق
خشب جيد يصلح لصناعة الاثاث والالات الزراعية وفى نجارة العمارة حيث يستعاض بة عن الزان وهو يضارع خشب الماهوجنى

خامسا خشب الجازورينا
لونة بنى مائل للأحمرار قريب من الماهوجنى يستعمل فى صناعة الصوارى والمراكب الشراعية وأعمدة البرق وفى صناعة الابلكاش والكراسى الخرازينية والارضيات الباركية

سادسا خشب الكافور
خشب جيد سهل التشغيل متراكم الالياف يستعمل فى صناعة الاثاث حيث يشق الى ألواح وتؤخذ منة القشرة ويعمل منة الارضيات الباركية وهو يستخدم كبديل للماهوجنى

سابعا خشب اللبخ
خشب صلب لونة أبيض مائل للأصفرار يستخدم فى عمل السواق وهياكل المراكب الشراعية والالات الزراعية وهو يضارع الجوز التركى

ثامنا خشب الحور
لونة أصفر فاتح يميل الى البياض ألوانة مستقيمة ومندمجة خفيف الوزن طرى سهل يصلح للقشرة وأعمال النجارة الدقيقة والابلكاش والالات الزراعية

ادعو من الله ان نكون وفقنا فى تغطية الاخشاب الطبيعية
وان شاء الله البوست القادم هانتكلم عن الاخشاب المسطحة المصنعة والمعروفة فى لغة الكار بالمسطحات

هناك 20 تعليقًا:

صباح الخير يا مصر يقول...

باب النجار
**********
مجهود واضح ....بارك الله فيكم

تحياتى

نونو يقول...

بارك الله فيكي
بس ارجوكي انا رايحة اتفرج على سفرة بعد عشر ايام عاوزة نصايحك
اليوم هستلم الاوضة اللي النهاردة
تحياتيبدهنها
بس النجار قال انه سنفرها
وبعدين دهن اللون
وبعدين دهن اماكن لاكيه ابيض رفضتها وقلت له لازم يغيره للون اخضر فاتح المفروض بقى انه يزيل الابيض دة برضه ويدهن الاخضر عليه ولا ايه
وايه الاخطاء اللي ممكن امسكهل عليه
ارجوكي عاوزة ردك

سبهللة عالاخر يقول...

نونوحبيتى
انا بعت لك رقم تليفونى على مدونتك كلمينى وانا هاجاوبك على اللى انتى عايزة عشان عايزة استوضح منك حاجات
عشان اقدر اجاوبك
مستنية تليفونك

Bongo يقول...

ما شاء الله
مدونة جميلة جداا و فكرتها حلوة اووي
ربنا يوفقكوا و يبارك فيكوا

تحياتي و ان شاء الله مش آخر زيارة :)

المـــفـــــــقــــــــوعـــــة مــرارتـهــا يقول...

جازاكي الله خيرا
انا بحب المعلومات دي جداً
كملي لانك مفيدة جدا
وحشتيني ياقمر ابقي بوسيلي الولاد

باحث عن الحق والحرية يقول...

مبروك علي المدونة
هتقل عليكم وعندي اكتر من سوال
بالنسبة للخشب الابواب والشبابيك عندنا خشب موسكي فلندي" ريمل تاجين علشان النجار مايزعلشي" بالنشبة لتشطيبه اريد مقارنة بين مميزات وعبوب وطبعا تكلفة انواع دهانات الاخشاب مثل اللاكية المغسول بالسيليتون وسحب سكنة فرنساوي و الدهان علي لونه والبلاستيك واللاكيه العادي وما الذي يناسب اكثر الواجهات وتاثير عوامل الجو وابواب الحمامات والمطابخ
السوال الثاني بالنسبة لبرامق السلم والتراسات ما مواصفات الخشب المناسب من حيث الخامة والمقايس وهل هناك ضرر من استخدام الغراء في حالة الغربة في زيادة قطر البرمق في التراسات وما طريقة التشطيب والدهان المناسبة
سوال تالت بعيدا عن الخشب بالنسبة للمحارة عادة ما يستخدم الصنايعي هنا الجبس علي مون المحارة وهو مايسبب مشاكل بعد ذلك "طقطقة وتنميل" ولذلك افضل عدم استخدام الجبس مارايكم؟ وايضا بالسبة للكرانيش"الطي" وربما الاسقف الجبيسة افكر في استخدام مونة "محارة" اسمنت مع رمل فقط ثم دهانها
وشكرا

محمد عبد الغفار يقول...

كل عام وانت لله اقرب

كنت اود ان ارد على ستفسار لك خاص بجريده الدستور فأرجو مراستلى على بريدى الألكترونى

اسف لأنى لم الحظ الأستفسار الا الأن

semsem يقول...

واووووووووووووو
انا لاقيت كنز

رهيب

متشكرين على المعلوملت الجامده دى

ودمت بخير

طارق يقول...

بارك الله فيك
لكن اريد ان أسال عن خشب الاش ash wood
شو هوا و شو معناه بالعربي
يعني انهو نوع باللغة العربية
ولك مني جزيل الشكر

SABRAWY يقول...

سلام عليكم اولا فعلا مدونتكم فيها كمية معلومات مهمه انا كان نفسى اققدر افعلكم صور اعمالى الخشبية عامل تصاميم مراكب خشبيه و كنت بجرب و بعمل بروتو تايبز مبدئية للتجارب من الخشب الأبيض و اشتغلت شويه فى الارو بس معجبنيش

المهم انا حبيت انى اسأل عن خشب الارز او بالانجليزى اسمو cedarwood ملقتش حد فى مصر اصلا فاهم انا بقول ايه انا نفسى حد يدلنى على اى مكان الاقى فيه خشب الارز ولو فى معلومات اكتر عنو لان النت كلو بالعربي يصراحه معلومات سطحيه لا ترقى حتى انها تكون معلومه عن خشب الارز و الصدفة كمان ان اسمو فى نتائج البحث الاولوية زى ما انتو عارفين للأكل فبيطلع رز و كبسة و رز بالخلطه ..الخ فلو عندكم اى معلومه عن خشب الأرز و اققدر اوصلو فين فى مصر ياريت تبلغونى و ايميلى msm_eg@hotmail.com

emago يقول...

اولا شكرا على المعلومات المفيده دى ثانيا كان عندى سؤال وارجو الرد العاجل انا كنت عايزه اعرف هو الخشب الموسكى احسن ولا الكونتر فى صناعه المطبخ وكمان انهى فيهم العملى اكتر حاجه كمان من فضلكم كنت عايزه اعرف ازاى اقدر احسب المتر فى المطبخ يعنى انا لو مطبخى160سم احسب ازاى متر الخشب وهو المتر ده بيبقى شامل الخشب صافى ولا بالشغل اللى فيه يعنى النجار هيحسبلى متر الخشب وبعدها يحسبلى الدهان والحليات والمصنعيه والكلام ده كله وكمان كنت عايزه اعرف سعر متر الخشب الموسكى ايه والكونتر ايه وكنت عايزاكوا تفيدونى ايهما افضل الاوستر ولا الدهان العادى اللى هو لاكيه متهيالى انا عارفه ان اسئلتى كتير وطولت عليكم خالص بس من فضلكم افيدونى ضرورى جدا ربنا يعزكم ويكرمكم

Salma يقول...

السلام عليكم، بلوج رائع وملئ بالمعلومات مش مصدقة إن دة بلوج بالعربي، عادة الواحد مش بيلاقي معلومات زي دي بالعربي على النت. شكراًعلى هذا المجهود الرائع.
عندي سؤالين، الأول عن الماهوجني الإندونيسي. هل هو خسب جيد لعمل الأبواب؟ وما هي أسعاره إذا استخدم في عمل الأبواب.
السؤال الثاني عن الخشب الموسكي التركي. توجد أبواب مصنوعة منه و عليها قشرة HDF. هل هذه الأبوب جيدة للغرف. و ما هي أسعار مثل هذا الخشب؟
شكراً

mora_mada يقول...

السلام عليكم ورحمة الله وبركاته
عجبتنى اوى فكرة المدونه بتاعتكو
لقيتها فى الوقت المناسب فعلا كنت بدور على معلومات عن انواع الأخشاب ولقيتكو الحمد لله
انا بفكر أبدأ فى مشروع تصنيع أثاث فبحاول الم معلومات قدر الامكان
وكنت عايزه اتكلم معاكى أكتر فى مواضيع الأخشاب وأشرحلك فكرة مشروعى ولو ممكن تفيدينى
أرجو الرد

ام حسن يقول...

بجد معلومات جميلة جدا

بس انتو فين مش بتردوا على التساؤلات ليه ؟

don don يقول...

السلام عليكم

جزاكم الله خيرا

بجد معلومات مفيدة جدا

غير معرف يقول...

حقيقى ربنا يبارك فيكو بجد مجهود رائع و معلومات مفيده
و كالعاده الأمر ميخلاش من سؤال و بقرأتى للتعليقات وجدت أكثر من شخص سأل عن نفس الموضوع اللى عايز أسأل فيه و لكن للأسف لم أجد الرد أو الإجابة علية
و السؤال هو عايزين نعرف أيهما أفضل فى الدهان اللاكيه أم الأستر للأبواب الداخلية و الشبابيك و خصوصآ ان الشبابيك على واجهه و شارع عمومى يعنى طول النهار الشمس موجوده عليه
برجاء الإفاده عن دهانات الأخشاب و أنواعها و أسعارها و لكم جزيل الشكر و التقدير على مجهودكم.

غير معرف يقول...

انا عندى معرض مطابخ واستافت من المعلومات

غير معرف يقول...

انا عندى معرض مطابخ واستافت من المعلومات

غير معرف يقول...

انا عندى معرض مطابخ واستافت من المعلومات

غير معرف يقول...

انا عندى معرض مطابخ واستافت من المعلومات